شــــوفــــوا بنات الامارات *
هل تعلم انه بنات الامارات اجمل بنات الخليج
وهالشي طبعا معروف مب كلام يديد علينا
علشان جيه حبيت انقل لكم مواصفات بنات كل امارة
بوظبي
وهل يخفى القمر .. بنت ولا كل البنات .. شانها عالي فوق الراس .. قلبها خفوق دايم خفاق .. كرمها طاغي على الكل .. ياعسى الباري يكرمني ويكرم الكريم بوحدة من بنات بوظبي .. أن أنت أكرمت الكريم ملكته .. ومن كرمها الطاغي أتشوف روحها ومحياها شمس في عز الليل ساطعة بنور بارد رومانسي حلو الملامح ذباح وجتال .. آآآآآآآآآآه منها ومن عيونها الداعجة لنعاس .. نصيحتي من يبا قلب ما يضمحل وما ينصك ولا يطفر ولا يغضب .. ما عليه اللا أنه يختار وحدة من بنات بوظبي .. قلبها صبور على من تحبه وتهواه
دبي
ووووووووووه .. بكل صراحة الكل يشهد لها .. بروعتها في اناقتها ووسامتها وحلاتها في كشختها .. رزينة ومحتشمة .. قلبها وافي ورفرفة ظافي .. مغرورة هيه نعم .. لكن غرورها محبوب عند اللي يعشقون طلعتها .. لها حضور قوي وخطير الواحد مايروم يقاومه .. بنت دبي أشهر من نار على علم .. ونصيحتي أقولها لكم .. ممنوع الأقتراب منها .. الل للي يروم عليها .. أقصد اللي قدها وقدود بس ..
الشارجة
متواضعات خجولات .. وراعيات مواقف ما تنّسي .. هيه شمعة تحترق في ظل نور حبيبها أقصد ريلها .. حلاتها تبان في شروق شمس الفجر .. طاهرة عفيفة شريفة .. قلبها ممزور حب وعطف وحنان .. عيبها أنها سموحة وايد اتسامح .. وقلبها ما يشل على حد .. ودلالها ودلعها يحللي اليلسة وياها .. نصيحتي شخصيا .. ترى الشرجاوية ياجماعة ما تتفوت .. آآآآه لو كان لي قلبين .. لكنت خليت واحد في الشارجة والثاني يقرقع عند باب بيتنا ..°
الفجيرة
يازين هذيج الملامح .. والعين المجحلة جنها عين جرناس .. أغلا من الغلا كله .. كريمة وطيبة قلبها محد شراته .. وأصلها يرمس عنها .. أنها هيه وحدة ما تكرر .. واللي يحظابها .. ترى بيكون هو والخير رباعه .. والزواج منها .. شرات الزواج من خيرات لبلاد ..
راس الخيمة
ما يحتاي بعد أشرح وأزيد .. ترى بنات رأس الخيمة معروفات أمهات البوبر .. يعني من تشوف الوحدة منهن الود ودك بس أتّم اتطالعها .. من حلاة روحها الطيبة وحسن خلقها الباين على ويهّا الحلو .. تغنيك عن تبع المدانيس .. والزواج منها خير وأبركة .. وعلاوة على ذلك .. أنها من عرب قبايل .. كلمتهم ما تنزل الأرض ..
ام القوين....
اذا الواحد فكر انه يرتبط بوحدة حق الزواج ويستمتع وياها .. ما عليه إلا انه يسير أم القيوين .. أصل وفصل وشهامة ونخوة .. والعقد عليها مكتمل .. واللي يعشقون الجسم .. ترى عودها مخصّر معزز ومعزّل .. واللي يفوز بقلب قيوانية .. ترى حظة من السما .. ومعروفة هيه حلوة المعشر .. حلوة المظهر .. سبحان اللي خلقها وصوّر
عيمان
بنات حبوبات دلوعات ومملوحات .. وراعيات بيت .. شرقيات وغربيات في طبايعهن .. أقصد أنها متحررة في بعض الأمور المحببة عند الريال .. قلبها باب مفتوح للكرم والخير .. تزل الزلات والغلطات .. بس نظرة وحدة من عيونها .. تنمحي باقي الزلات ..
وكلمة اخيرة من عندي
تعريف بنت الامارات:بنت الحلا والزين سود عيون كبار رقة ودلع وجاذبية واحتشام من شفها ميحد غنى لها قمة على قمة وذوقه قمة... بس الوسمي عبر عن شعوره وقال وين ياعود مايس بين حلو الغرايس.... سلبني رموشك والعيون النواعس.
الرئيسية 
أحدث الصور 
التسجيل 
دخول 
الأربعاء يوليو 30, 2008 8:34 am
